Sunday , 29 November 2020

موبائل فون کے فوائد اور نقصانات

موبائل فون کے فوائد تو بے شمار ہیں لیکن ایک نئی تحقیق کے مطابق اس کے کچھ نقصانات بھی ہیں اور وہ مرد جو موبائل فون کو اپنی پتلون کی جیب میں رکھتے ہیں ان میں سپرم کی کوالٹی متاثر ہوسکتی ہے اور انہیں صاحب اولاد ہونے میں مشکلات پیش آسکتی ہیں۔ یونیورسٹی آف ایکسیٹر کی سائنسدان ڈاکٹر فیونا کی سربراہی میں کی گئی تحقیق میں معلوم ہوا ہے کہ موبائل فون کے اعضائے تناسل کے قریب ہونے سے الیکٹرومیگنیٹک شعاعیں جنسی خلیات پر منفی اثرات مرتب کرتی ہیں اور سپرم کی صحت اور حرکت کرنے کی صلاحیت کو متاثر کرتی ہیں جس کی وجہ

الیکٹرومیگنیٹک شعاعیں جنسی خلیات پر منفی اثرات
الیکٹرومیگنیٹک شعاعیں جنسی خلیات پر منفی اثرات

سے سپرم کی مادہ کے انڈے کی طرف پیش قدمی متاثر ہوتی ہے اور مردوں میں پانجھ پن کے مسائل پیدا ہوسکتے ہیں۔ ڈاکٹر فیونا کا کہنا ہے کہ موبائل فون کی شعاعیں سپرم کی صحت کے علاوہ سیمن میں سپرم کی تعداد کو بھی متاثر کرتی ہیں۔ انہوں نے بتایا کہ عام طور پر 50 سے 85 فیصد سپرم نارمل طور پر حرکت کرنے کے قابل ہوتے ہیں لیکن موبائل فون کی شعاعوں سے متاثر ہونے والوں میں یہ تعداد تقریباً 8 فیصد تک رہ جاتی ہے۔ انوائرنمنٹ انٹرنیشنل میں شائع ہونے والی اس تحقیق میں لیپ ٹاپ کمپیوٹر کوگود میں رکھ کر استعمال کرنے کے بھی ایسے ہی نقصانات بتائے ہیں۔ تاہم یونیورسٹی آف شیفیلڈ کے تولیدی صحت کے ماہر ڈاکٹر ایلن کا کہنا ہے کہ وہ اس تحقیق سے متاثر نہیں ہوئے اور جب تک مزید قابل اعتماد تحقیقات سامنے نہیں آئیں وہ اپنا موبائل فون پتلون کی جیب میں ہی رکھیں گے۔

موبائل فون کے فوائد اور نقصانات
موبائل فون کے فوائد اور نقصانات

Check Also

میں تسبیح گن کر کرتا ہوں

مولانا رومی ؒ ایک دن خرید و فروخت کے سلسلے میں بازار تشریف لے گئے، ...

Leave a Reply

Your email address will not be published. Required fields are marked *